Image may be NSFW.
Clik here to view.
Os galegos e galegas sabémolo ben, o mar é imparábel. E pinga a pinga estase xerando en Euskal Herría unha onda de dignidade que derrubará os muros de contención dun Estado español pre-democrático, do mesmo xeito que tamén se están a derrubar en Catalunya. Esta é a ruptura democrática do Estado da que falan algúns, só que a ruptura vén a través das nacións e non en compañía de quen avalou este Estado a través do seu voto favorábel á Constitución, unha Constitución que se incumpre sistematicamente por parte de quen máis presumen en defendela.
Así que dá igual que un xuíz español prohiba a manifestación solidaria convocada polo movemento Tantaz Tanta na que piden “o final da dispersión, liberdade dos presos e presas enfermas e aplicación da sentenza do Tribunal Europeo de Dereitos Humanos”, a manifestación é imparábel, porque a dignidade e a solidariedade son imparábeis.
